Muqaawamada Falastiiniyiinta ayaa shaacisay, in dagaalyahanadoodu ay dileen 15 Askari oo Yahuudd ah, kuwaas oo xasuuq wuxuushnimaa ka waday marinka Qaza. Weerarkan ayaa ka dhacay galbeedka deegaanka Shaima ee Waqooyiga Beit Lahiya ee dhacda Waqooyiga Marinka Qaza.
Bayaan ay soo saareen muqawamadu waxay ku shegeen, in ciidamadoodu ay Askar Yahuudd ah la beegsadeen Qoriga RPG ee lidka Taangiyada, kaddibna ay ku fureen rasaaas xooggan iyo Bam-gacmeedyo, halkaasna ay ku dileen 15 askari oo Katirsanaa ciidanka Sahaayinada.
Al-Qassam ayaa sidoo kale shaaca ka qaaday, in ay beegsadeen labo kamid ah Taangiyada Ciidanka Sahaayinada, kuwaas oo lagu burburiyay, gantaalada kala ah Al-Yassin 105 iyo Tandum, halka cagaf-cagaf nooca ay ciidamadu isticmaalaan lagu qarxiyay Miino loogu aasay meel u dhow Masjidka Shuhadada Imad caqli ee bartamaha xerada Jabalia ee waqooyiga Marinka Qaza.
