Dalka Braziil ayaa lagasoo sheegayaa in uu ka dhacay shil gaystay dhimashada iyo dhawac 15 qof oo isku qoys ah, kaddib markii baabuur bas ah oo ay qayskani la socdeen uu ku dhacay gaari kale oo xamuul ah oo marayay wado isku xirta magaalooyinka gobolka Bahia ee waqooyi bari dalka Brazil, sida ay sheegeen mas’uuliyiinta dalkaas.
Ugu yaraan 11 qof oo isku qoys ah ayaa ku dhintay afar kalena waa ay dhaawacmeen Shilkan, wuxuuna si gaara uga dhacay degmada Ruy Barboosa, gaari shilka galay ayaa waday 16 qof oo isku qoys ah, kuwaas oo noqday wax dhinta iyo kuwo dhaawacma.
Badhasaabka magaaladaas oo warbaahinta la hadlay ayaa sheegay, in dhacdadan dadka ku dhintay ay sadex kamid ah ahaayeen caruur halka sideeda kalana ay ahaayeen dad waawayn.
Arrintan ayaa imaanaysa iyadoo dhawaan dalkaas uu ka dhacay shil kan lamid ah oo ay ku dhinteen 12 qof oo arday jaamacadeed ahaa, iyadoo ay ku dhawacmay 19 kale, waxaana shilkaas sababay gaari Bas ah oo ay saarnaayeen Arday Jaamacadeed oo ku dhacay gaari kale oo nooca xamuulka qaada ah.
