Ciidamada Yahuudda ayaa duqaymo aan hore loo arag ku qaaday agagaarka koonfureed ee magaalada Beirut, kaas oo dhaliyay khasaare isugu jira dhimasho iyo dhaawac, halka ay ku burbureen dhismaayaal la daganaa.
Yahuudda ayaa maanta oo Sabti ah duqeymo ka billowday deegaanka Basta ee bartamaha caasimadda Lubnaan ee Beirut, duqayntan ayaa sababtay dhimashada 4 qof iyo dhaawaca 23 kale, sida ay shegtay wasaaradda Caafimaadka ee Lubnaan.
Wakaaladda wararka ee Reuters ayaa soo xiganaysa illo dhanka ammaanka ah, kuwaas oo sheegay in ugu yaraan 4 gantaal lagu beegsaday deeganka Basta, kaas oo ku yaalla bartamaha magaalada Beirut, iyadoo ay Yahuuddu wali sii wado ololaheeda militari ee ka dhanka ah Ururka shiiciga ah ee Xisbullaah.
Duqayntan ayaa kusoo beegmaysa maalin un kaddib, markii shalay duqayn xooggan lagu beegsaday goobo caafimaad oo ku yaalla magaalada Caasimada ah ee Bairut, waxaa sii xoogaysanaya duqaymaha joogtada ah ee Yahuuddu ku hayso Lubanaan iyo Marinka Qaza.
