Wararka inaga soo garaya dalka Faransiiska ayaa ku waramaya in 5 qof ay si xun ugu dhaawacmeen toogasho habaynimadii Khamiista ka dhacday afaafka hore ee maqaayad ku taalla magaalada Poitiers ee dalka Faransiiska, sida uu sheegay wasiirka arrimaha gudaha Faransiiska ninka lagu magacaabo Bruno Ritayo.
Wasiirka ayaa war-saxaafadeed uu soo saaray ku sheegay, in dhacdadaan ay ka qayb-qaateen dad u dhexeeya 400 ilaa 600 oo qof, Waxa uu intaas ku daray, in dadkaan ay isku dagaaleen waxyaalaha maanka dooriya.
Illo ka tirsan booliiska ayaa ku waramay in mid kamid ah dadka dhaawacmay ay xaaladdiisu aad uliidato, sida ay sheegtay wakaaladda wararka ee France-Presse.
Arinkaan ayaa kusoo beegmaya iyadoo Sabtidii la soo dhaafay ilmo 5 jir ah madaxa looga toogtay magaalada Rennes ee waqooyi-galbeed ee Faransiiska, kaas oo udhaxeeya noolal iyo geeri, kadib is-rasaasayn sidoo kale lala xiriiriyay ka ganacsiga daroogada.
