Dhulgariir xooggan oo gaystay khasaare nafeed ayaa ku dhuftay dalalka Myanmar iyo Thailand, waxaana ku dhintay ku dhawaad 150 qof oo kasoo kala jeeda labadan dal, ayadoo wali gobolka laga dareemayo cabsi laga qabo dhulgariiro hor leh.
Dhul gariirkan oo cabirkiisu ahaa 7.7 ayaa ku dhuftay waqooyi galbeed ee magaalada Sagaing ee badhtamaha dalka Myanmar gelinkii dambe ee shalay Jimcihii, waxaana dhul gariirkaasi uu ahaa mid qoto dheer, kaas oo oogada dhulka ka hooseeyay dhawr Kiiloomitir.
Daqiiqado un kaddib, dhulgariir kale oo cabirkiisu ahaa 6.4 magnitude ayaa ku dhuftay isla goobtii uu kii hore ka dhacay, taas oo sii kor dhisay khasaaraha ka dhashay dhul gariirkan.
Burburkii ka dhashay dhulgariirkii ku dhuftay dalka Myanmar ayaa sababay dhimashada 144 qof iyo dhaawaca 732 kale, waxaana xaalad degdeg ah lagaga dhawaaqay lix gobol oo ka tirsan dalkaas.
Dhanka kale, xuduudka dalka Thailand ayaa isna laga dareemay dhulgariix xooggan, waxaana la xaqiijiyay in 3 qof ay ku dhinteen dhismo dabaq ah oo ku soo dumay, halka 81 qof oo kalana lagu la’ yahay burburka dhismayaasha hoostiisa.
Dhul gariirkan ayaa laga dareemayaa guud ahaan gobolka, sida dalalka Shiinaha, Cambodia, Bangladesh iyo Hindiya, dhamaan wadamadan ayaa ah kuwo cadow ku ah Islaamka, dhibadana u gaystay bulshooyinka muslimka ah ee ku hoos nool, dhulgariirada ayaana ku yimaada carada Allaah, kaddib markii ay ku xad gudbeen adoomadiisa.
