Ciidamada xarakada Al-Shabaab ayaa xalay weeraro ku qaaday, qaar kamid ah xeryaha ay askarta shisheeye ee Uganda iyo kuwa Dowladda Fedaraalka ee ka dagan yihiin gobolka Shabeelasa hoose.
Ciidamada shisheeye ee Yugaandha ayaa lagu weeraray fariisimaha ay ka sameysteen deegaanka Biimaalow iyo Eleboorka magaalada Baraawe, waxaa sidoo kale la weeraray saldhigga askarta Dowladda Fedaraalka ee degaanka Bariire ee gobalka Sh-hoose.
Dhanka gobalka Baay waxay ciidamada Al-Shabaab weerareen saldhig ay askarta maamulka Koonfur-galbeed ku leeyihiin halka loo yaqaanno Makuudo oo ku taalla magaalada Beydhabo ee xarunta gobalka Baay.
