Shalay oo Sabti ahayd, waxaa magaalooyin badan oo ka tirsan dalka Talyaaniga ka dhacay, bannaanbaxyo looga soo horjeedo dagaallada ka socda Marinka Gaza, Lubnaan, iyo dagaalka uu Ruushku ka wado Ukraine, banaanbaxyadaas waxaa soo qaban qaabiyay ururrada shaqaalaha iyo ururada bulshada rayidka ee dalka Talyaaniga.
Kumanaan dibad-baxayaal ah ayaa isugu soo baxay magaalada Rome ee fagaaraha Ostiense, waxayna dalbanayeen in la joojiyo dagaalka ay Yahuuddu ku qaaday Lubnaan, Marinka Qaza, iyo dagaalka Ukraine iyo Ruushka, waxayna ku dhawaaqayeen erayo ay ku muujinayeen inay doonayaan nabad.
Magaalada caasimadda ah ee Rome iyo magaalooyin kale oo ku yaalla Talyaaniga, ayaa marti galiyay dibad-baxyo lagu codsanayo in la joojinayo dagaallada, gaar ahaan weerarrada ay Yahuuddu ku qaadday marinka Qaza iyo Lubnaan.
