Mucaaradka hubeysan ee Suuriya ayaa ku dhawaaqay, in maanta oo Jimce ah ay galeen xaafadihii ugu horeeyay ee magaalada Xalab, kaddib markii ay la wareegeen guud ahaan baadiyaha galbeed ee magaaladaas, kaddib dagaallo culus oo ay la galeen ciidammada Nidaamka Suuriya iyo xulafadooda.
Waaxda howlgallada milateri ee mucaaradka hubeysan ayaa sheegtay, in dagaalyahanadooda ay la wareegeen xarunta cilmi baarista howlgalka ee magaalada Xalab.
Waxay intaas ku dartay, in kooxaha ka qayb qaadanaya weerarka ay hadda labo KM oo keliya u jiraan bartamaha magaalada Xalab.
Horumarkan ayaa imanaya maalintii saddexaad ee uu socda hawlgalka loogu magacdaray “Radcul Cudwaan” ee ay bilaabeen mucaaradka hubaysan ee Suuriya, waxayna la wareegeen in ka badan 32 tuulo waxaana saacadaha nagu soo aadan la filayaa inay guud ahaan xaqiijaan gacan ku haynta magaalada Xalab.
