Warar hoose oo soo baxaya ayaa sheegaya in maamulka Trump uu wadahadalo toos ah la yeeshay ururka Xamaas, kuwaas oo ku saabsanaa sii deynta la haystayaasha Mareykanka ah ee gacanta ugu jira dagaalyahanada Xamas.
Wadahadalan ayaa sidoo kale xooga lagu saarayaa suurtagalnimada in la gaaro heshiis ballaaran oo lagu soo afjaro dagaalka, waxaa sidaas wakaalada wararka ee Axios u sheegay ilo qarsoodi ah oo ka tirsan maamulka Maraykanka.
Xoghayaha warfaafinta ee Aqalka Cad Karoline Leavitt ayaa dhankeeda xaqiijisay galabnimadii Arbacada in Maraykanku uu wadahadallo toos ah la yeelanayo Xamaas, taas oo uu Maraykanku ku doonayo inuu kusoo afjaro dagaalka ayadoon Yahuudda lagala tashan.
Xafiiska Ra’iisul Wasaaraha Yahuudda ayaa bayaan uu soo saaray ku yiri Intii ay socdeen wadahadallo ay la yeesheen Mareykanka, “Israa’iil waxay muujisay fikirkeeda ku aaddan arrinta wadahadalka tooska ah ee Xamaas”.
Maraykanka ayaa Yahuudda la garab taagnaa hubka wax gumaada tan iyo markii uu bilowday dagaalka ay Sahaayinadu ku qaaday Marinka Qaza, waxaana ugu damabayntii muuqata in huwantii isbahaysigu ay ku jabeen dagaalka, sheegeena inaysan sii wadi Karin hardan sanado kale qaata.
