Waxaa nasiib leh hooyada ku nool Wilaayaadka Islaamiga ah, ee xorta u ah gudashada dhammaan waajibaadkeeda diineed iyo shacaa’irtaba, iyada oo aan cidna kala gabbanayn.
Waxaa liibaan jooga hooyada ku naalloonaysa ammaan buuxa iyo caddaalad dhammaystiran, ee aan cidna uga baqayn muujinta hiilkeeda iyo garabistaaggeeda ku aaddan walaalaheeda muslimiinta ah ee ku dhibban dunida daafaheeda, amase aan ka gaabsanayn qeexitaanka shucuurteeda ku aaddan dulmiga ay gaaladu kula kacayso ehlul-iimaanka.
Waxaa guul taagan hooyada ay carruurteeda uga bedqabaan fidnooyinka hareeyay dhulalka kale ee aysan shareecada Rabbi ka oognayn.
Waxaan joognaa saman aysan wax xumaan ahi qarsoonayn, duullaan maskaxeed iyo mid akhlaaqeed oo diinta iyo fidrada qofka beegsanayana lagu soo qaaday mujtamaca Islaamiga ah, gaar ahaan dhallinyarada.
Hooyadaasi guusha ay gaartay ayaa ah in aysan carruurteedu ku foogganayn intarneedka oo laga xaddiday isticmaalkiisa, sidaas darteedna ay ka nabad qabaan waxa shar iyo dhibaato dhex yaalla, oo fidradoodu ay saliim tahay weli, diintooda iyo damiirkooduna u caafimaad qabaan.
Hooyada Wilaayaadka Islaamiga ah ku nooli in ay libin haysato waxaa kale oo muujinaya, in awlaaddeedu aysan subixii u kallihin dugsi ama madaraso laga dhaqangeliyo manhaj shisheeye, oo loogu soo meeriyo dhaqan iyo diin aysan lahayn, caqiidadooda lagu dooriyo, caqligooda lagu maamulo, himmada iyo qabkana looga saaro, taas baddalkeedana ay xaadiraan mid lagu fahansiiyo diintooda iyo aqoonta kale ee maaddiga ah si baraxtiran, iyada oo uusan ku larrayn shay wax u dhibaya diintooda ama dadnimadooda.
Waxaa hooyadaas farxad ugu filan in gabadheedu aysan bannaanka u bixin iyada oo aan xijaabnayn ama dhar liita xiran, wiilkeeduna uusan waddooyinka taagnayn isaga oo jeego xiiran dadkana dhibaya, amaba daroogo calalinaya. Maxaayeelay, Masuuliyadda hagaajinta ubadkeeda waa lala qaybsaday oo keligeed laguma dayn, nidaam Islaami ah ayaana si dhab ah isugu taagay toosinta ubadka iyo ka dhowriddiisa khataraha ku gedaaman oo dhan, Allaha u abaalgudo e.
Waxaa qoray: Ansaari Maysara
