Dagaalyahanada Al-Shabaab ayaa goor sii horreysay baahiyay Warsaxaafadeed ay uga hadlayaan dagaallo culus oo ay saaka aroortii ku qaadeen degaanada xerto ay ciidanka Jubbaland ku lahaayeen degaanada kala ah:
1- Saldhigga deegaanka Harboole oo 90 km waqooyi-gableed uga beegan Kismaayo.
2- Saldhigga deegaanka Buula-xaaji oo 80km koonfur-galbeed uga beegan Kismaayo.
3- Saldhigga Miido oo 95 km uga waqooyi-galbeed uga beegan Kismaayo.
Warsaxaafadeedka oo kasoo baxay taliska ciidamada Xarakada Al-Shabaab ayaa lagu sheegay in 71 askari laga dilay ciidanka Jubbaland iyo kuwa Federaalka kadib markii sida ay sheegeen cagta la mariyay xeryahaas, sidoo kalana weeraro jidgal ah lagu qaaday ciidamo gurmad u ahaa kuwa la weeraray.
Ma jiro illaa hadda dhanka maamulka Jubbaland war rasmi ah oo kasoo baxay marka laga reebo saraakiil sheegay iney iska caabiyeen Al-Shabaab. DF ayaa markii uu dhacay dagaalkii Ceeldheer sheegtay iney iska caabisay Al-Shabaab.
HOOS KA AKHRISO WARSAXAAFADEEDKA
