Maamulka Suuriya ayaa ku dhawaaqay in la xiray kooxo durcad ah oo ku kacay xadgudubyo ka dhan ah dadka rayidka ah ee ku sugan xeebaha Suuriya, waxayna sidoo kale u direen kolonyo dheeraad ah, si ay uga difaacaan dadka deegaanka wax kasta oo xadgudub ah.
Dhinacooda, ciidamada Suuriya ayaa amar ku bixiyay in dadka aan loo magacaabin howlgallada milateri ee laga soo celiyo deegaannada xeebaha ah, si howlgalladu u noqdaan kuwo ku kooban cutubyada ciidamada iyo kuwa ammaanka guud. Ciidanka ayaa sidoo kale xiray tiro waddooyin ah oo soo gala deeganada dhaca xeebaha.
Wakaalladda Wararka Suuriya ee SANA oo soo xiganaysa ilo ka tirsan amaanka ayaa sheegtay ,in hawlgal ay ciidamada amaanku qaadeen ay kusoo qabteen in ka badan 200 Baabuur oo laga soo xaday magaalada Jableh, iyagoo mooryantaasi ay ka faa’iidaysanayaa xasillooni-darrada ka jirta magaalada Jableh iyo nawaaxigeeda.
Madaxweynaha Suuriya Axmed Al-Shara ayaa ugu baaqay haraadiga maamulkii hore in ay hubka si deg deg ah u soo wareejiyaan, ka hor inta aysan la kulmin dagaallo adag, Madaxweynaha Suuriya ayaa muujiyay sida uu u cambaareynayo weerarrada dilka ah iyo kuwa lagu beegsanayo isbitaallada deegaanka.
