Weerar loo adeegsaday diyaarada nuuca aan duuliyaha lahayn ah ayaa maanta oo Sabti ah lagu weeraray saldhig lagu magacaabo Kharab al-Jir oo ku yaalo mandiqadda Rumilan ee waqooyi bari ka xigta magaalada Xasakah ee dalka Suuriya.
Saldhiga la beegsaday ayaa muhiim u ah ciidamada isbaheysiga caalamiga ah gaar ahaan kuwa Mareykanka, waxaana la arkay qiiq ka dhashay qaraxa diyaarada.
Ilaa iyo hada lama xaqiijin khasaaraha soo gaaray ciidamada Mareykanka ee la weeraray.
Saldhigaan ayaa dhowr mar oo hore la kulmay weerar nuucaan oo kale ah.
Majirto ilaa iyo hadda cid sheegatay mas’uuliyadda weerarkaan.
