Ilo goob-joogayaal ah ayaa warbaahinta u sheegay, in ciidamada Yahuuddu ay xoog kusoo galeen qaybo kamida Konfurta Lubnaan, kuwaas oo ku qalabaysanaa Taangiyada dagaalka iyo cagafcagafyo, waxayna gudaha u galeen magaalada Wadi Qatmon Rmeish oo ku taalla koonfurta dalkaas.
Duulaankan ayaa sidoo kale waxaa barbar socday duqeymo ay fulinayeen diyaaradaha Yahuudda, kuwaas oo beegsanayay guryaha ay dagan yihiin dadka shacabka ah ee ku yaalla magaalada Naqoura iyo Sheheen ee wada dhaca koonfurta Lubnaan.
Dhanka kale, Xukumada Lubnaan ayaa xaqiijisay in ciidamada Yahuuddu ay hawlgal burburin ah ka fuliyeen magaalada Wadi Qatmon, taas oo qayb ka ah xadgudubyada ay Yahuuddu ku jabiyeen heshiiskii lagu joojiyay dagaalkii mudadad Sanadka ah ka dhaxeeyay Xisbullaah iyo kayaanka Sahaayinada.
Arrintan ayaa timid kaddib markii ay Yahuuddu ku dhawaaqday, inay dardar galin doonto hawlgaladeeda Lubnaan, iyadoo ku andacoonaysa in Konfurta Lubnaan lagasoo riday Shan gantaal oo ku dhacay gudaha dhulka ay gumaysiga ku haystaan ee Falastiin.
