Maanta oo Talaado ah, cagaf-cagafyada guumeystaha Yahuudda ayaa burburiyay masjidka ku yaalla deegaanka Jabal Mukaber ee hoos tagta magaalada Qudus ee gumaysiga ku jirta, iyadoo ay kusoo beegmeyso xilli ciidamada gumeysiga ay go’doomiyeen guri ku yaalla tuulada muthalathu Shuhadada ee dhacda koonfurta Jenin.
Wararka ka imaanaya magaalada Quddus ayaa sheegaya, in ciidamada gumeysiga oo ay wehliyaan cagaf-cagaf iyo xubno ka tirsan maamulka hoose ee magaalada Quddus ay xoog ku galeen deegaanka Jabal Mukaber, iyagoona bandow kusoo rogay deegaanka, waxayna billaabeen burburinta masjid ku yaallay deegaankaas oo ay ku cibaadaysan jireen dadka Muslimiint.
Shalay ayay aheyd markii ciidamada gumeysiga ay xoog ku galeen magaalada Al-Ram ee dhacda waqooyiga magaalada Qudus, waxayna xireen wiil dhalinyaro ah, kadib markii ay si xun ugu ciqaabeen koontarool ku yaalla magaaladaas.
