Ciidamada gumeysiga ayaa howlgalo ka sameeyay deegaano kala duwan oo ka tirsan Daanta Galbeed, iyagoo guryaha ugu galayay dadkaa shacabka ah, sidoo kalena burburinayay gaadiidkooda.
Ilo deegaanka ah ayaa ku waramaya, in ciidamada gumaysiga ay u dhaceen tiro guryo ah intii ay ku guda jireen duulaanka ay ku qaadeen tuulada Kafr Qalil oo dhanka Koonfureed kaga beegan Nablus iyo tuulada Al-Baadan oo dhanka Bari kaga beegan isla magaaladaas.
Ciidamada gumaysiga ayaa sidoo kale gudaha u galay magaalada Nablus iyagoo ka soo gudbay koontaroolka Hawaarinta, waxayna cagaf-cagafyadoodu ay burburiyeen tiro gaadiid ah oo marayey magaalada Beita ee koonfurta magaalada Nablus.
Magaalada Al-Khalil, ciidamada gumeysiga ayaa xoog ku galay dhismo la degan yahay, waxayna ku qasbeen dadkii deganaa inay dibadda ugu baxaan, iyagoo dhanka kalana baaritaanno ka waday deegaanka Al-Kasaar.
Arrintan ayaa timid maalin kadib markii 9 falastiiniyiin ah ay ku dhaawacmeen kadib markii ay ku xadkudbeen ciidamada guumeysiga Yahuudda xilli ay xoog ku gallo ka wadeen magaalooyinka ku yaalla qeybo kala duwan oo ka tirsan Daanta Galbeed.
