Ciidamada Yahuudda ayaa saacadihii la soo dhaafay xoog ku galay xaafado iyo magaalooyin ka tirsan Daanta Galbeed, xilli Yahuuddu ay weerar ku qaadeen gaadiid ay wateen dad Falastiiniyiin ah.
Ilo wareedyo ayaa Aljazeera u sheegay, in gawaari ay leeyihiin ciidamada Yahuudda ay xoog ku galeen tuulada Al-Hatab oo dhanka bari ka xigta magaalada Qalqilya ee dhacda waqooyiga Daanta Galbeed.
Wakaaladda wararka ee Falastiiniyiinta ee WAFA ayaa sheegtay, in ciidamada Yahuuddu ay xoog ku galeen tuulooyin ku yaalla koonfurta magaalada Nablus ee waqooyiga Daanta Galbeed, waxayna ku rideen bambooyinka gacanta laga tuuro iyo sunta dadka ka ilmeysiisa.
Dhanka kale, wakaaladdu waxay sheegtay, in dad Yahuudd ah ay weerar ku qaadeen baabuur ay lahaayeen dad Falastiiniyiin ah oo marayay waddada xiriirisa magaalooyinka Ramallah iyo Nablus.
