Warbaahinta ayaa soo tabinaysa, in ciidamada gumaysiga ay xoog ku galeen magaalada Tulkarm ee waqooyiga daanta galbeed, waxa ayna xireen Labo ruux oo falastiiniyiin ah.
Wararka ayaa intaas ku daraya, in dagaalyahanada wax iska caabinta ay rasaas iyo bambaanooyin ku garaaceen ciidamada gumaystaha Yahuudda oo ku sugnaa agagaarka xerada Tulkarm.
Ilo wareedyo ayaa sidoo kale Aljazeera u sheegay, in ciidamada gumeysiga ay xoog ku galeen tuulada Al-Mazra’a Al-Sharqiya ee Ramallah iyo magaalada Beyt Cumar oo dhanka waqooyi ka xigta Al-Kaliil oo dhacda daanta Galbeed.
Ciidamada gumeysiga ayaa xoog ku galay magaalada Al-Bireh ee ku taalla bartamaha daanta galbeed, waxaana ay xabsiga u taxaabeen Labo qof oo falastiiniyiin ah oo kasoo jeeda magaalada Al-Mazra’a Al-Sharqiya ee Bariga magaalada Ramallah, iyadoo ay sii dheertahay in ay xoog ku galeen tuulada Burqa oo dhacda waqooyi-galbeed ee Nablus.
