Dad goob-joogayaal ah ayaa sheegay inuu dab xooggan ka kacay kaalinta shiidaalka ee Al-Aytam ee ku taalla bariga magaalada Hermel ee dalka Lubnaan, kaddib markii booyad naafto ah ay ku qaraxday afaafka hore ee kaalinta.
Wararka ayaa sheegaya in tiro dad ah ay dhimasho iyo dhaawac ku noqdeen dabkan, halka warbaahinta dalkaasna ay soo tabinayso in Shan qof ay ku dhaawacmeen, ayadoo mid kamida dhaawacyada ay xaaladiisu aad uliidato.
Qiyaastii saddex sano kahor, ayay ahayd markii dhacdo tan lamid ah ay ka dhacday magaalada Akkar ee waqooyiga Lubnaan, halkaasoo ay ku dhinteen illaa 20 qof oo kamid ahaa dadka deegaanka.
