Wararka ka imaanaya degmada Ruunirgood ee gobolka Sh/dhexe ayaa sheegaya in dagaal culus oo khasaara dhaliyay uu ka dhacay deegaan ku dhow degmada Ruunnirgood ee bariga gobolka Sh/dhexe.
Dagaalka oo maanta barqadii deegaanka Gacal Ugaas ku dhaxmaray ciidamada Al-Shabaab iyo kuwa dowladda Federaalka Soomaaliya ayaa qaatay mudo saacado ah.
Wararka aan helayno ayaa sheegaya in ciidamada DF ka looga dilay dagaalka ugu yaraan 13 askari islamarkaana looga dhaawacay 8 kale.
Sida ay tabisay warbaahihta Al Shabaab waxay dagaalkii maanta ku qabsadeen 5 qori AK47, qori PKM ah iyo qori RPG ah, wararka ayaa intaas ku daraya in ciidanka dowladda Soomaaliya laga qabsaday 2 mooto oo nuuca dhudhuleyda ah.
Dhanka kale, wararkii ugu dambeeyay ayaa sheegaya in ciidamada DF Soomaaliya ay dib ugu gurteen duleedka deegaanka Nuur Dugle oo qiyaastii 25KM u jirta degmada Ruunirgood ee gobolka Sh/dhexe.
