Waa Maalintii 419-aad ee duullaanka gardarrada ah ee Yahuuddu ay ku hayso marinka Qaza, 4 falastiiniyiin ah ayaa ku shahiideen Tan iyo barqonimadii maanta ka dib markii diyaaradaha dagaalka ee ciidamada cirka ee Yahuudda ay duqeeyeen laba guri oo ku yaala deegaanka mashruuca Beytillaahi ee waqooyiga marinka Gaza.
Dhinaca dhulka, guutooyinka Al-Qudus waxay ku dhawaaqeen horraantii Arbacada inay duqeeyeen Goob Dhufeys ah ay isku uruursanayeen askar iyo gaadiid dagaal oo gudaha u galay bartamaha xerada Jabaliya, iyadoo guutada Al-Qasaam ay baahiyeen muuqaallo ay ku bar-tilmaameedsadeen gaadiidka Yahuuda ee cirifka ku jira.
Dhinaca Lubnaan, KanaalAy Leedahay Yahuudda ah ayaa daaha ka qaaday jiritaanka qodobbo uu ku tilmaamay inay sir yihiin dukumentiga Maraykanka ee waddada u xaaraya heshiiska xabbad joojinta ee Lubnaan, kaasoo dhaqan galay barqonimadii shalay, Arbacadii, si loo soo afjaro iska hor imaadka u dhexeeyay Xisbullaah iyo Yahuudda.
