Dawladda Pakistan ayaa shalay Jimcihii bilawday olole ay ku doonayso in ay qasab dalkeeda uga saarto ku dhawaad hal milyan oo Afgaaniyiin ah oo kasoo qaxay dalkooda intii ay socdeen halgankii ay Daliban kula jirtay ciidamada shisheeye iyo maamulkii maqaar saarka ahaa ee Ashraf Qaani.
Sarkaal ka tirsan wasaarada arrimaha gudaha ee dalka Pakistaan oo lagu magacaabo Zulkilfli Hussain ayaa sheegay, in Boolisku ay dadka iskugu keeneen xeryo ka hor inta aysan ku daadin xad beenaadka uu dalkaasi la wadaago Afqaanistaan.
Dadkan ayaa intooda badan laga soo qabtay gobolka Khyber Pakhtunkhwa ee dhaca waqooyi-galbeed Pakistaan, in kasta oo qoysaska qaar laga soo wareejiyay magaalada caasimadda ah ee Islamabad iyo magaalada deriska la ah ee Rawalpindi, kuwaas oo lagu xareeyay xeryo adag oo ay ilaalinayaan Booliiska dalkaas.
Pakistan ayaa qorsheyneysa inay dalkeeda ka saarto 3 milyan oo Afgaaniyiin ah marka la gaaro bartamaha sanadkan 2025-ka, kaddib markii uu dhamaaday waqtiga loo qabtay dadkaas, inay si iskood ah uga baxaan caasimadda iyo deegaanada ku xeeran.
Dawladda dabadhifka ah ee dalkaas ka jirta ayaa wadanka ka cayrisay malaayiin musliin reer Afqaan ah xili ay albaabada u furtay gaalada cadaanka ah ee ka imaanaya wadamada reer galbeedka, iyadoo gumaad iyo xarig joogto ah ku haysa dadka Muslimiinta ah ee reer Pakistaan.
