Wasaaradda arrimaha gudaha ee Suuriya ayaa maanta oo Axad ah ku dhawaaqday, in ay gacanta ku dhigtay shixnad hub ah oo loo diyaariyay in si sharci darro ah loogu tahriibiyo dalka Lubnaan, gaar ahaan deegaanka Talkalakh ee gobolka Hims ee badhtamaha Suuriya.
Wasaaradda ayaa hadal kooban oo ay soo saartay ku sheegtay, in dabagal kadib ay maamulka amniga xuduuduhu ay qabteen in ka badan hal shixnad oo hub ah oo loo diyaariyay in loo tahriibiyo dalka Lubnaan, iyadoo la sii marayo waddooyin dhulka ah.
Xuduudaha ay wadaagaan dalalka Lubnaan iyo Suuriya ayaa ah kuwo isdulsaran juqraafi ahaan, maadaama ay ka kooban yihiin buuro, dooxooyin iyo bannaano aan lahayn calaamado ama tilmaamo muujinaya kala qaybinta labada dal, wax ayna xuduuda labada dal gaartaa dherer ahaan 375 kiiloomitir.
26-kii Janaayo, ciidamada ammaanka Suuriya ayaa la wareegay kayd gantaalo ah, kaas oo ku yaalla mid ka mid ah goobaha ay ku harsan yihiin hadhaagii maamulka Bashaar Al-Asad ee magaalada Hims ee bartamaha Suuriya.
