Wasiirka arrimaha dibadda ee Ukraine ninka lagu magacaabo Andriy Sepia ayaa maanta sheegay, in tirada sii kordheysa ee maxaabiista dagaalka ee Ukraine ee ay gacanta ku dhigayaan ciidamada Ruushka ay u baahan tahay tallaabo caalami ah oo degdeg ah.
Hay’ad ka tirsan Qaramada Midoobay ayaa maanta sheegtay, inay diiwaan gelisay kor u kaca xawli ah oo ku saabsan dilalka la sheegay dhowrkii bilood ee la soo dhaafay in loo gaystay ciidamada maxaabiista ah ee laga qabtay dawladda Yukrayn.
“Adduunku waa inuusan cambaareyn oo kaliya, laakiin sidoo kale waa inuu qaado tallaabo degdeg ah, waxaan u baahanahay qalab sharci oo caalami ah oo wax ku ool ah iyo tillaabooyin la taaban karo si aan ula xisaabtano dembiilayaasha,” waxaa sidaas bartiisa “X” ku soo qoray Sebiha oo ah wasiirka arimaha dibada ee Yukraine.
Labadan dal ayaa kala haysta maxaabiis dagaal oo aad ubadan, ayagoo dhanka Yukrayn ay dhawaan soo bandhigeen ciidamo Kuuriyaan ah oo ka barbar dagaalamayay ciidamada Ruushka, kuwaas oo maxaabiis ahaan gacanta ugu galay ciidamada Yukrayn.
