Dagaal u dhexeeya ciidamada Dowladda Fedaraalka iyo kuwa maamulka la baxay Jubbaland ayaa hadda ka socda degmada Doolow ee gobalka Gedo, dagaalkan oo laisku adeegsaday hubka noocyadiisa kala duwan ayaa lasoo sheegayaa inuu dhaliyay khasaare xooggan.
Ilo xog ogaal ah oo deegaanka ah ayaa kusoo waramaya, in ay maqleen diryanka hubka ay Labada dhinac isku adeegsanayaan, wali tafaasiil sugan lagama hayo Labada dhinacba khasaaraha soo kala gaaray, goobta uu dagaalku ka dhacay waxaa ku sugnaa mas’uulyiin ka tirsan maamulka Axmed Madoobe.
Dawladda Fadaraalka ayaa dhawanahan dagaallo ka waday gobalka Jubada Hoose, waxayna ciidan kusoo daabuleen gobalda uu ka arimiyo maamulka Axmed Madoobe, kuwaas oo dagaal culus looga saaray deegaanka Raaskambooni ee Jubada Hoose.
