Dowlada Iiraan ayaa habeenkii xalay ku dhawaaqday in ay duulaan balaaran ku qaaday gumeystaha Israa’iil.
Iiraan ayaa duulaanka dhanka cirka ah u adeegsatay sawariikh casri ah kuwaas oo ku hoobtay saldhigyada iyo garoomada muhiimka u ah gumeystaha Yahuuda.
Weerarka Iiraan ay ku qaaday gumeystaha ayaa ku soo aaday xilli maalmihii la soo dhaafay ay madaxda iyo sarakiisha gumeystaha Yahuuda ay wadeen dhaqdhaqaaq militari iyo hanjabaadyo ka dhan ah muslimiinta.
Dhanka kale, dowlada Iiraan ayaa sheegtay in weerarkaan uu yahay mid loogu aar gudaayo dilkii loo gaystay Ismaaciil Haniyah iyo Xassan Nasrallah.
Dowlada Iiraan ayaa intaas ku dartay in 90% sawaarikhdeedu ay burburiyeen ahdaaftii ay beegsadeen sida saldhigyada militariga, garoomada ciidamada gumeystaha iyo xarumaha sirdoonka Yahuuda.
Weerarkaan ayaa la filaaya in uu noqdo mid biloow u ah isbadalo ka dhaca mandiqadda bariga dhexe.
