Wararka ka imaanaya dalka Falastiin maanta oo Khamiis ah, ayaa sheegaya in Sadex ka mid ah askarta gumaystaha Yahuuda lagu dhaawacmay toogasho ka dhacday woqooyiga Daanta Galbeed.
Wakaaladda wararka ee Hebrew, ayaa sheegtay in 3 Israa’iiliyiin ah ay ku dhaawacmeen rasaas ka dhacday deegaan u dhow magaalada Qalqilya.
Waxay intaas ku dartay in dhaawacyadu ay isugu jiraa kuwa fudud iyo kuwa dhexdhexaad ah.
Dhanka kale, maamulka gumaystaha Yahuuda ayaa sheegay in “rasaas laga soo riday Gaari marayey meel u dhaw albaabka laga soo galo magaalada Qalqilya, ka dibna uu baxsaday qof kii toogashada gaystay.”
