Warbaahinta gumaystaha Israa’iil ayaa sheegtay maanta oo Jimco ah in qarax xooggan uu ka dhacay waddada “Ben Yehuda” ee magaalada Tel Aviv ee caasimada u ah maamulka Yahuuda.
Goobta weerarka uu ka dhacay ayaa u dhow safaaradda Maraykanka, Waxaana dhawaaqa jugta qaraxa laga maqlay meelo badan oo ka mid ah Tel Aviv.
Wargeyska “Yedicot Axronot” ayaa faafiyay muuqaallo muujinaya daqiiqadihii ugu horreeyay marka uu dhacay qaraxa.
Warbaahinta Yahuuda ayaa tilmaamtay inay suura gal tahay in qaraxa uu ka dhashay weerar diyaaradeed.
Dhanka kale, kooxda Xuuthiyiinta dalka Yeman ayaa sheegatay masuuliyada weerarka, ayago sheegay in ay u adeegsadeen diyaarad nuuca aan duuliyaha leheen ee Drons ta.
“Wax yar ka hor warbixin soo gaartay xarunta booliska ayaa tilmaamaysay in qarax uu ka dhacay dhismo ku yaala magaalada Tel Aviv, waxaana goobta uu qaraxu ka dhacay gaaray ciidamo aad u fara badan oo ka tirsan booliska magaalada Tel Aviv.” Sida uu sheegay afhayeen u hadlay booliska gumaysataha Yahuuda.
Weerarka waxaa ku dhintay 1 qof halka tiro kale oo Yahuud ahna uu ka soo gaaray dhaawacyo, sida ay sheegeen bahda caafimaadka maamulka gumaystaha Yahuuda.
