Madaxtooyada dalka Suuriya ayaa sheegtay, in ay la xisaabtami doonto dadkii ka dambeeyay qaraxii maanta ka dhacay magaalada Manjab, kaas oo uu qasaarihiisu gaaray illaa 20 qof oo dhimasho ah.
Dhankeeda, wasaaradda caafimaadka ee Suuriya ayaa sheegtay, in qaraxa lala beegsaday baabuur ay saarnaayeen dad shacab ah oo ku sii jeeday goobtooda shaqo, waxaana dadka dhintay ku jira 14 haween ah.
Difaaca madaniga ah ee dalkaas ayaa dhankooda sheegay, in dadka dhintay ay ahaayeen dad beeraley ah, iyadoo qaraxa uu ka dhacay agagaarka gaari ay la socdeen shaqaalahan oo marayay waddo weyn oo duleedka magaalada ku taalla.
Ilaa hadda ma jirto cid sheegatay mas’uuliyadda qaraxa gaariga lagu xiray ee ka dhacay magaalada Manbij oo qiyaastii 30 KM u jirta xuduud beenaadka dalkaasi uu la wadaago dalka Turkiga.
Taliyaha ciidamada Suuriya Mazloum Cabdi, ayaa ku tilmaamay qaraxyadan inay yihiin fal dambiyeedyo halis ku ah midnimada qaranka, isagoo ku nuux-nuux saday in loo baahan yahay in lala xisaabtamo dembiilayaasha.
Weerarkan ayaa noqonaya kii ugu khasaaraha badnaa ee dalkaasi ka dhaca tan iyo markii Bashaar Al-asad xukunka laga tuuray bishii December ee sanadkii lasoo dhaafay.
