Kuwait ayaa ku dhawaaqday fiidnimadii Arbacada dhimashada labo askari iyo dhaawaca labo kale oo ka tirsanaa ciidamada dhulka ee dalkaas, intii lagu guda jiray xiritaanka tababar ciidan, sida lagu sheegay bayaan ka soo baxay Taliska Guud ee Ciidanka Kuwait.
Sida laga soo xigtay ilo lagu kolsoonyahay dhacdada ayaa dhacday kadib markii madfaca taangiga uu ku qarxay afar ruux oo ka tirsanaa ciidamada dalkaas, intii lagu guda jiray dhoolatus ka dhacayay xero lagu tababaro ciidamada oo ku talla deegaan dhaca waqooyi-galbeed ee dalkaas.
Wararku waxa ay intaa ku darayaan, in labada askari ee geeriyootay lagu kala magacaabi jiray Axmed Al-hablaani oo darajadiisu ahayd Sareeye Guuto, isla markaana ahaa Taliyaha Taangiyada, iyo Muusayid Al-Saxou oo darajadiisu ahayd Saajin, isla markaana ahaa abaabule. Labada kale ee dhaawacmay ayaa lagu sheegay inay ahaayeen taliyaal ciidan.
