Dhulgariir cabirkiisu yahay 5 daraja ayaa maanta ku dhuftay jasiiradaha Tonga ee dhaca koonfurta badweynta Baasifigga, kaas oo cabsi iyo argagax ku abuuray dadka dagan jasiiradahaasi.
Hay’adda Sahanka dhulka ee Maraykanka oo mar walba ka hadasha dhulgarirrada ka dhaca caalamka ayaa sheegtay, in dhulgariirkani uu ka dhacay meel 173 kilomitir koonfur-bari ka xigta magaalada Banggai ee dalkaasi, isagoo sidoo kale ku dhuftay meel qoto dheer oo 10 kilomitir ka hoosay oogada dhulka.
Ma jiro wax war ah oo ka soo baxay khasaaraha nafeed iyo midka hantiyeed ee ka dhashay dhulgariirkani.
Tonga waxay ku taalla waqooyi-galbeed ee dalalka New Zealand iyo Australia waana waddan ka kooban 176 jasiiradood oo ku kala firirsan Koonfurta Badweynta Baasifigga, kuwaas oo 52 ka mid ah oo keliya la deggan yahay.
Si kastaba ha ahaatee, dhawanahan danbe waxaa caalamka kusoo batay dhulgariirrada, dababka, duufaannada iyo fataahadaha, kuwaas oo qayb ka ah musiibooyinka rabaaniga ah ee Allaah SWT uu ku ciqaabo adoomadiisa marka ay ka bayraan tubta toosan, si ay wax ugu qaataan oo ay ugu soo noqdaan waddada xaqa ah.
