Dhul gariir cabirkiisu yahay 7.2 daraja ayaa maanta ka dhacay xeebaha dalka Papua New Guinea, balse ma jiraan wax war ah oo ka soo baxay khasaaraha ka dhashay dhul gariirkan.
Xarunta seismological ee Yurub-Mediterranean ayaa sheegtay, in dhulgariirku dhacay abaare 20:04 saac ee waqtiga caalamiga ah, xuduntiisuna ay tahay meel 182 kiiloomitir koonfur-bari ka xigta magaalada Kimbe, uuna ku dhuftay meel qoto dheer oo 49 kiiloomitir ah.
Papua New Guinea waa waddan dhaca Koonfurta badwaynta Baasifiga, waxaana ku nool 10 milyan oo qof, isagoo lagu tiriyo dalka ugu dadka badan Koonfurta Baasifigada marka laga soo taga Australia, oo ay ku nool yihiin ku dhawaad 27 milyan. Inta badan dadka deggan waxay ka shaqeeyaan beeraha, waxay ku nool yihiin nolol maalmeedkooda, waxayna ku hadlaan 800 oo luqadood iyo lahjado.
Papua New Guinea ayaa 2024-kii la kulantay dhul go’, kaas oo galaaftay nolosha dad badan oo degganaa tuulada buuraleyda ee Kaukalam ee gobolka Enga, wuxuuna dhul go’aasi geystay burbur xooggan oo soo gaaray dhismayaal iyo hanti.
