Diyaaradaha Itoobiya ayaa 2 qof oo shacab ah ku dila duqeyn ay shalay ka geysteen beeraha degaanka Daarusalaam oo hoos taga Awdheegle.
Duqeynta ayaa waxaa ku shahiiday 2 qof midna waa uu ku dhaawacmay. Labada qof ee Shahiiday mid waa dhallinyaro 22 jir ah, wuxuu ahaa Xaasle, ifkana wuxuu uga tagay 2 caruur ah. Wiilka kale ee shahiida waa 12 jir dhiganayay dugsi hoose. Waxaa dhaawacmay wiil kale oo yar. Xiiliga ay duqeyntu dhacaysay waxay ku sugnaayeen beerahooda, waana abbaaro 11:00 barqanimo.
Sidoo kale diyaaradaha Xabashida ayaa madaafiic ku tuurtay halkii uu ka socday aaska wiilasha galinkii dalbe ee shalay balse cidi wax kuma noqon.
War kale oo goor dhow ka yimid degmada Awdheegle ayaa sheegaya in diyaaradaha Xabashidu duqeeyeen xaafadda Malable ee degmadan, waxaana ku shahiiday 3 qof oo midi tahay Haweeney 60 sano jir ah, waxaana ku dhaawacmay dad intaa ka badan.