Diyaaradaha Mareykanka ayaa fiidnimadii Isniinta duqeymo cusub ka fuliyay fariisimaha ay kooxda Xuuthiyiintu ku leeyihiin gobolka Al Xudeydah ee dalka Yemen.
Warbaahinta Xuutiyiinta ayaa sheegtay, in duqeyntan cusub uu Mareykanku la beegsaday magaalada Al-Salif ee gobalka Xudeydah, halka ilo wareedyo kalana ay sheegayaan in duqeymahan lala beegsaday warshad ay leeyihiin Xuutiyiinta oo ku taalla magaalada Al Salif.
Duqayntan ayaa timid kaddib markii Xuutiyiintu ay subaxnimadii hore ee shalay Isniintii ay sheegteen, mas’uuliyadda weerar lagu qaaday markab laga leeyahay dalka Mareykanka, kaas oo wajahay Labo weerar 24 saac gudahood, Markabkan ayaana ku sugnaa Badda Cas xiligii la weerarayay.
