Ilaalada xeebaha Mareykanka ayaa sheegay in la helay burburka diyaarad yar oo Khamiistii lagu waayay gobolka Alaska, iyadoo saddex qof la xaqiijiyay inay dhinteen.
Ilaalada xeebaha ayaa sheegay in 7 mayd oo kale la rumeysan yahay inay ku jiraan diyaaradda, balse hadda lama heli karo xaaladda diyaaradda awgeed. Toban qof ayaa la socday markabka Cessna Caravan, oo ay maamuleysay shirkadda diyaaradaha ee Bering Air, markii booskeeda uu ku lumay meel 12 mayl (19km) xeebta ah galabnimadii Khamiista, mas’uuliyiinta ayaa sheegay.
Ilaalada xeebaha ayaa Sidoo Klae sheegay in burburka diyaaradda uu yaalay meel 34 mayl koonfur-bari ka xigta magaalada Nome, halkaasoo ay ka soo duushay Unalakleet. “Caawa u ducee 10-kii naf ee ku naf waayey diyaaraddii Bering Air ee Alaska,” ayuu yiri xoghayaha gaadiidka ee Mareykanka Sean Duffy.
Duffy wuxuu sheegay in Guddiga Badbaadada Gaadiidka Qaranka uu wado baaritaan ku saabsan dhacdada, isagoo taageero ka helaya Maamulka Duulista Hawada ee Federaalka. Ciidamada Gobolka Alaska ayaa sheegay in lagu wargeliyay diyaarad “daahday” 16:00 wakhtiga maxaliga ah ee Khamiista, Waaxda dab-damiska iskaa wax u qabso ee Nome ayaa sheegtay in duuliyaha uu u sheegay maamulayaasha hawada in “uu damcay inuu galo qaab haynta isagoo sugaya in la nadiifiyo dhabbaha ay diyaaraduhu ku ordaan”.
Ilaalada xeebaha ayaa markii dambe sheegay in diyaaradda ay la kulantay khasaare degdeg ah oo xagga joogga iyo xawaaraha ka hor inta aan la lumin goobta ay ku sugan tahay. Faahfaahinta cidda saarnayd lama shaacin balse Waaxda Dab-demiska Nome Volunteer ayaa sheegtay in dhammaan qoysaska rakaabka la ogeysiiyay.
ka qof ee saarnaa diyaaradda ayaa ka koobnaa sagaal rakaab ah iyo duuliye, sida ay sheegtay Waaxda Badbaadada Dadweynaha ee Alaska. Hawlgallada goobidda iyo samatabbixinta hawada waxaa xaddiday xaalado cimilo oo adag, taas oo caqabad ku noqotay aragtida, dhinacyo badan oo ka qaybqaatay dadaallada samatabbixinta ayaa sheegay.
Labada magaalo ee Unakleet iyo Nome waxay isu jiraan 146 mayl midba midka kale ee Norton Sound, oo ah marin laga galo Badda Bering ee xeebta galbeed ee Alaska ee Maraykanka.
