Ciidamada arxanka daran ee Yahuudda ayaa qarxiyay guryo la deggan yahay oo waqooyi-galbeed ka xiga magaalada Rafah, Iyagoo sidoo kale duqeymo ka geysatay qeybo kala duwan oo ka tirsan Marinka Qaza oo ay ku jirto waqooyi-galbeed ee xerada Nuseyrat ee bartamaha Marinka Qaza.
Dad goobjogayaal ah ayaa xaqiijiayay, in 3 ruux ay ku dhinteen halka kuwo kalena ay ku dhaawacmeen duqeyn ay ciidamada gumaystaha la beegsadeen goob ay ku sugnaayeen dad shacab ah oo ku taalla xaafadda Shujaaciya ee bariga magaalada Qaza.
Ciidammada Sahaayinada ayaa sidoo kale duqaymo ka wada agagaarka mustawsafi Al-Zaytuun ee koonfur-bari magaalada Qaza, ilo-wareedyo Falastiiniyiin ah ayaa sheegay, in ciidamada gumaystaha ay beegsadeen guri ku yaalla dhulka Muftiga ee waqooyiga xerada Nuseyrat, waxayna ku dileen hal qof iyagoona tiro kalana ku dhaawacay.
Ilo wareedyo maxalli oo falastiiniyiin ah ayaa sidoo kale sheegay, in ciidamada Yahuudda ay madaafiic la beegsadeen waqooyi-galbeed ee xerada Nuseirat iyo bariga xerada Bureij ee bartamaha marinka Qaza, iyadoo ay sii dheertahay duqayn dhanka cirka ah oo ay Sahaayinada la beegsatay magaalada Beit Lahia ee waqooyiga marinka Qaza.
