Diyaaradaha dagaalka ee Yahuudda ayaa fiidnimadii xalay, 17 weerar ku qaaday xaafadaha koonfureed ee magaalada Beirut, iyagoo dhulka la simay 6 dhisme, ku waas oo dhaliyay khasaare kala duwan.
Wakaaladda wararka ee Lubnaan ayaa sheegtay, in diyaaradaha Ciidanka Yahuuddu ay Beirut ka gaysteen 17 weerar, taasoo ka dhigaysa mid ka mid ah weeraradii ugu Khasaaraha badnaa tan iyo markii uu qarxay dagaalka u dhexeeya Xisbullaah iyo Yahuudda, 23-kii bishii aan soo dhaafnay ee Sebtembar.
Wakaalladda ayaa intaa ku dartay in duqeynta lala beegsaday Xafiiska TV-ga Al-Mayadeen, oo ku yaalla dhismo la deggan yahay ee deegaanka Al-Janah, kaas oo ku dhow Xaruntii hore ee Safaaradda Iiraan ee magaalada Beirut.
