Diyaaradaha Maraykanka iyo Yahuudda ayaa shalay duqaymo culus ka gaystay magaalada Caasimada ah ee Sanca, hawlgaladan ayaa lagu bartilmaameedsaday xarumo militari oo laga hago diyaaradaha aan duuliyaha lahayn ee Xuutiyiinta.
Ilo wareedyo goob-joogayaal ah ayaa warbaahinta u xaqiijiyay in la maqlayay qaraxyo xooggan oo ka dhashay weerarrada ay filiyeen ciyaaradaha Maraykanka, iyadoo aan wali la shaacin khasaaraha ka dhashay weeraradaas.
Warbaahin xiriir la leh kooxda Xuutiyiinta ayaa sheegtay, in afar weerar oo xagga cirka ah lala beegsaday xaafadda Al-Jarf ee waqooyiga caasimadda Yemen ee Sanca.
Wargeyska New York Times oo soo xiganaya sarkaal Maraykan ah ayaa warbaahinta u sheegay, in Maraykanku uu dib bilaabay in uu qaado duqaymo ka dhan ah bartilmaameedyada Xuutiyiinta, kuwaas oo mudooyinkii dambe hakiyay hawlgaldii ay ku bartilmaamedsanayeen maraakiibta Maraykanka iyo Yahuudda.
