Ergeyga Yahuudda u fadhiya golaha Qaramada Midoobay ee lagu magacaabo Danny Danon ayaa su’aal galiyay hubka casriga ah ee ay heleen ciidamada Masar, inkastoo dalkaasi uu san wax khatar ah ku haynin maamulka Yahuudda, isagoo sheegay in arrintani ay walaac ku buurayso shacabka Yahuudda.
Waa markii ugu horeysay oo sarkaal sare oo ka tirsan maamulka Yahuudda uu ka hadlo hubka cusub ee ay soo iibsanayso dawladda Masar, isagoo masu’uulkaasi uu raadiyaha Yahuudda u sheegay inaysan garanayn hadafka ay Masar ka ledahay hubkan cusub, ayadoon wax dagaala kula jirin dawladaha dariska lah, marka lagasoo tago dawladda Itoobiya oo khilaaf siyaasadeed uu kala dhaxeeyo.
“Waxay mas’uuliyiinta Masar ku maalgeliyaan ciidankooda boqolaal milyan oo doolar sannad kasta, wax khatar ahna kama jiro xuduudahooda,” waxaa sidaas yiri Danon isagoo la hadlaya raadiyaha Yahuudda fiidnimadii Axadda.
Wuxuu intaas sii raaciyay “Waa inaan eegnaa waxa halkaas ka dhacaya, dhanka kalana aan u diyaargarownaa xaalad kasta.” Waxaa xusid mudan in ciidamada Masar ay taangiyo soo dhoobeen meel u dhow xuduudka Rafax intii uu socday dagaalka Qaza, taas oo lagu fasiray inay ahayd masrixiyad lagu dajinayay shacabka Masar ee ka dhiidhiyay xasuuqa Yahuudda, ayadoo mas’uuliyiinta ugu saraysa dalkaas ay yihiin daba dhilifyo u shaqeeya Yahuudda.
Masar ayaa ah dalka kaliya ee xuduud beenaadka laleh marinka Qaza ee go’adoonsan, iyadoo dalkani uu yahay mid kamida dhulka la filayo in laga xorayn doono masjidka barakaysan ee Aqsa, hadii la helo maamul Islaamiya oo dadka reer Masar ku haga wadada Jihaadka.
