Dowladda Maali ayaa sheegtay, in dadka haysta baasaboorka Isbaheysiga Saxilka ay dalka Faransiiska kala kulmayaan dhibaatooyin xoogan oo dhanka fiisaha dal ku galka ah.
Xukuumadu waxay xaqiijisay inay ka shaqayn doonto sidii dhibaatadan loo xalin lahaa, isla markaana ay ku wargelisay dhamaan hay’adaha diblumaasiyadda iyo hay’adaha caalamiga ah ee la aqoonsan yahay, iyadoo Wasaaradda Arrimaha Dibaddu ay warqad u dirtay 22-kii bishii Jannaayo safarrada dibadda iyo dhammaan hay’adaha ay khusayso arintan oo ay ku jirto hay’adda duulista hawada ee caalamiga ah.
Waxay intaas ku dartay in safaarado dhowr ah ay heleen baasaboorka cusub si loo baaro, inkastoo macluumaadka lagama maarmaanka ah loo gudbiyay, dalalka qaar, gaar ahaan Faransiiska, waxay diideen inay fiisaha siiyaan muwaadiniinta Mali sababo la xiriira in nidaamka hubinta baasaboorka ee nidaamka adeegyada Afrika ay wali socoto.
Maamulka Bamako ayaa ku hanjabay inay qaadi doonaan jawaab la mid ah mida uu Faransiisku qaaday, iyagoo u diiday fiisaha Faransiiska dadka doonaya inay galaan dalka Maali.
Isbahaysiga Saxilka ayaa ka kooban wadamada kala ah Mali, Niger iyo Burkina Faso ayagoo ku dhawaaqay in ay isaga baxeen ururka ECOWAS oo ay ku jiraan 15 wadan oo dhaca galbeedka Africa, Isbahaysiga Saaxilka ayaa waxaa saameyn ku leh qaar ka mid ah quwadaha shisheeye ee ka soo horjeeda hadafka iyo mabaadiida ururka ECOWAS loo aas aasay,sida lagu sheegay warsaxaafadeed ay si wada jir ah u soo saareen saddexda wadan.
