Ciidamada gumeystaha Yahuuda ee gudaha u galay koonfurta dalka Lubnaan ayaa saacadihii dambe ee shalay la kulmay weerar dhabo-gal ah.
Weerarka ayaa lagu dilay ugu yaraan 7 askari oo katirsan ciidamada gumeystaha Yahuuda halka 17 kalena laga dhaawacay.
Ciidamada gumeystaha ee la kulmay weerarka dhaba-galka ah ayaa katirsanaa guutada Gowlani.
Sida aan ka soo xiganay warbaahinta Yahuuda waxay sheegeen: In ciidan ka tirsan guutada Golani ay galeen guri kadibna ay la kulmeen weerar gaadmo ah, taasoo keentay dhimashada 7 askari iyo dhaawac 17 kale.
Koonfurta Lubnaan waxaa ka socda dagaallo xooggan oo u dhaxeeya kooxda shiicada ah ee Xisbullah iyo ciidamada guumeysiga Israa’iil, xilli ciidamada Israa’iil ay ku adkaatay in ay si fudud gudaha u galaan koonfurta Lubnaan.
