Maleeshiyaadka gumeysiga Israa’iil ayaa duqeeyey goobo ay deganayeen dad shacab ah oo ku yaala bartamaha xerada Jabaliya.
Duqeynta cadowga waxaa ku shahiiday kuna dhaawacmay in ka badan 150 qof oo shacab ah.
Gumeystaha Yahuuda ayaa duqeeyay 11 guri oo ku yaala aagga Al-Hoja ee bartamaha xerada Jabaliya ee waqooyiga Marinka Qaza.
Dhanka kale, kooxaha gurmadka deg dega ayaa sheegay in gumeystuhu horey u burburiyay gadiidkii Ambalaasta ee ka shaqayn jiray xerada Jabaliya.
Goobta la bartilmaameedsaday wax gurmad caafimaad ah ma helin oo waxaana u dhawa oo labo KM oo kaliya u jira Isbitaalka Kamaal Cadwaan oo gumeystaha Yahuudu ay go’doomiyeen.
Gumeysiga Israa’iil ayaa sii wada go’doominta iyo duqeymaha ay ku heyaan xerada Jabaliya in ka badan 19 maalmood, waxaana sidoo kale ay wadaan barakicin xoog leh oo ay ku hayaan dadka dagan xerada Jabaliya.
