Dawladda isu-tagga Imaaraadka Carabta ayaa war kasoo saartay kulan shalay magaallada Abu Dhabi ku dhex-maray madaxweynaha dalkaasi Maxamed bin Zayed Al Nahyan iyo madaxa kooxda Villa Soomaaliya ee Xasan Gurguurte.
Kulankan oo madax kale oo dalkaasi ka tirsani ay ka qayb-galeen ayaa la sheegay in lagu gorfeeyey xoojinta xiriirka ka dhaxeeya maamullada Imaaraadka iyo Soomaaliya iyo xoojinta horumarinta iskaashi ee labada dhinac, sida ay baahisay WAM oo ah wakaaladda wararka ee Imaaraadka Carabta.
WAM ayaa intaasi ku dartay in Xasan Gurguurte uu dhankiisa ammaan iyo bogaadin kala dul-dhacay madaxda Imaaraadka, kuwaas oo dhawaan kula kacay bah-dil aad u foolxun kadib markii ay ka hor-joogsadeen shir ka dhacay Abu Dubay, isla markaana heer madaxweyne kaga qayb-geliyeen C/Raxmaan-Cirro oo ah madaxa maamulka Somaliland.
Warka kasoo baxay Imaaraadka Carabta ayaa muujinaya in gabi ahaanba Xasan Gurguurte uu ku hungoobay safarkii uu shalay ku tagay magaallada Abu Dubay, halkaas oo uu ka raadsaday taageerro millateri iyo mid dhaqaalle sida warar hoose oo soo baxay ay sheegayaan.
Xogta ayaa intaa ku daraysa in uu jiro fuuq-bax millateri iyo mid dhaqaalle oo aad u daran oo ay wajahayaan kooxda Xasan Gurguurte, kuwaasoo sida la sheegayo kaalmo lacageed iyo mid millateri oo duqaymo u badan dhawaan waydiistay Isu-tagga Imaaraadka Carabta.
Lacagaha ay kooxdani codsatay in Imaaraadku ka bixiyo ayaa waxaa ka mida ayaa la leeyahay dhaqaallihii uu Maraykanku ka goostay calooshood-u-shaqayaastayaasha Bangaraafta ee Danab iyo Kab loogu sameeyo Miisaaniyadda.
Codsiyadaasi ayaa lagu soo warramayaa in Imaaraadku gabi ahaanba uu ka gaabsaday oo aanu ka jawaabin, waana sababta keentay ayaa la yiri safarka deg-degga ah ee sida qarsoodiga ah uu ugu baxay Xasan Gurguurte. Kaas oo isaga laftarkiisana sida muuqata uu ku guul-darraystay isla markaana uu kala kulmay weji-gabax hor leh.
Waxyaabaha iftiiminaya in dawladda Imaaraadku aanay danaynayn la-kulanka Gurguurte ayaa waxaa ka mida hab-maamuuska loo sameeyey oo aad uga liita kuwii hore, sida laga dheehan karo sawirro ay baahisay wakaaladda wararka ee Imaaraadka Carabta.
Qaylo-dhaanta kooxda Villa Soomaaliya ayaa si gaar ah salka ugu haysa jabka xooggan ee usbuucyadan u dambeeyey ay kala kulmayeen furimaha dagaalka ee Shabeellaha dhexe, halkaas oo Jihaadiyiintu ay muddo yar oo kooban kula wareegeen deggaano fara badan oo kaabiga ku haya caasimadda Soomaaliya ee magaallada Muqdisho.
WQ: Shabakada warbaahineed ee Somalimemo
