Imaarada Islaamiga ah ee Afgaanistaan ayaa ah dowlad islaami ah oo ku kalsoon awoodeda ayadoo marnaba aan u hogaansamin cadaadiska ooga imaanaya wadamada reer galbeeka.
Imaarada islaamiga ah ayaa si adag uga jawaabtay hadal dhawaan ka soo yeeray madaxwaynaha cusub ee dowlada Mareykanka Donald Trump, kaas oo sheegay kaalmada dhaqaale ee la siinaayo Afgaanistan ay ku xiran tahay shardiga ah in mujahidiinta Daalibaan ay dib u soo celiyaan hubkii iyo saanadii militari ee ka qaniimaysteen ciidamada Mareykanka iyo kuwa NATO ee kagu jabiyay dalka Afgaanistaan sanadkii 2021.
Dhanka kale, wasaaradda dhaqaalaha ee Afgaanistaan ayaa xaqiijisay in Imaarada Islaamiga ah ay gebi ahaanba ku tiirsan tahay awooddeeda, oo aysan u baahnayn kaalmo shisheeye.
Wasiir ku xigeenka dhaqaalaha ee imaarada islaamiga ah ee Afgaanistaan, Cabdul Ladiif Nazri, ayaa wareysi uu siiyay warbaahinta ku sheegay in hanjabaada ka soo yeertay Trump aysan saameyn ku yeelan doonin siyaasadda Imaarada Islaamiga ah ee Afqaanistaan, isagoo carabka ku adkeeyay in maamulka talada haya ee Afgaanistaan uu yahay mid madax-banaani buuxda ka haysto go’aanadiisa dhanka dhaqaalaha iyo siyaasadda, waligiisna kuma tiirsanayn kaalmada shisheeye.
