In ka Badan 25 Ruux oo Dhimasho iyo Dhaawac ku Noqday Shil Baabuur oo ka Dhacay Koonfurta Dalka Brazil.

10
0

Ugu yaraan 7 qof ayaa ku dhintay 20 kalena way ku dhaawacmeen, kadib markii bas ay saarnaayeen arday jaamacadeed iyo xubno macalimiin ah uu ka baxay waddo weyn oo ku taalla Koonfurta dalka Brazil, sida ay sheegeen saraakiisha dab-damiska ee dalkaasi.

Shilkan ayaa si gaar ah kaga dhacay wadda weyn oo marta magaalada Immigrante, ee gobolka Rio Grande do Sul, kaas oo u dhaw xadka Argentina iyo Uruguay.

Baska ayaa waxaa la socday arday iyo macalimiin wax ka dhiga Jaamacadda Federaalka ee Santa Maria, taas oo ka mid ah jaamacadaha ugu caansan ee dalka Brazil, sida ay sheegtay warbaahinta gudaha ee dalkaasi.

Dadka dhaawacmay ayaa loo gudbiyay xarumaha caafimaadka, si loola tacaalo xaaladooda caafimaad. Barasaabka gobalka uu shilku ka dhacay ayaa ka tacsiyeeyay shilkan, isagoo sheegay, in gobolka uu ku jiro waxa uu ugu yeeray “baroor-diiq” ayna taageeri doonaan kuwa ay dhibaatadu saameysey.

Dhawaan ayay ahayd markii dhimasho iyo dhawac ku noqdeen 15 qof oo isku qoys ah, kadib markii baabuur bas ah oo ay qayskani la socdeen uu ku dhacay gaari kale oo xamuul ah oo marayay wado isku xirta magaalooyinka gobolka Bahia ee waqooyi bari dalka Brazil, sida ay sheegeen mas’uuliyiinta dalkaas.

LEAVE A REPLY

Please enter your comment!
Please enter your name here