In Kabadan 60 Qof oo Marinka Qaza ku Shahiiday 24-kii Saac ee Lasoo Dhaafay.

5
0

Ilo maxalli ah ayaa warbaahinta u xaqiijiyay, in diyaarad nooca aan duuliyaha lahayn ee Yahuudda ay gantaal ku dhufatay goob lagu qaybinayay cunto oo ku taalla xerada qaxootiga ee Qatawa ee galbeedka Khan Yuunis, halkaas oo ay ku dhinteen saddex qof oo rayid ah.

Wararka ayaa intaasi ku daraya, in diyaarad Yahuuddu ay bartilmamedsadeen guri ku yaalla bartamaha Khan Yuunis, halkaas oo lagu dilay nin Falastiini ah laguna dhaawacay xaaskiisa iyo cunug uu dhalay.

Madaafiic au rideen ciidamada Yahuudda ayaa sidoo kale lagu beegsaday waddada Al-Sikka ee xaafadda Al-Zeitoun, oo koonfur bari ka xigta magaalada Qaza, waxaana ku shahiiday gabadh yar oo Falastiiniyad ah.

Diyaaradaha dagaalka ee Yahuudda ayaa sidoo kale duqeeyay guri ay degan yihiin qoyska Abu Atta oo ku yaalla xaafadda Shujaaciya ee bariga magaalada Qaza, halkaas oo ay ku dhinteen kuna dhaawacmeen tiro rayid ah.

Wasaaradda caafimaadka ee marinka Qaza ayaa sheegtay, in 60 qof ay shahiideen 162 kalana ay dhawacmeen 24-kii saac ee lasoo dhaafay, kuwaas oo lasoo gaarsiiyay xarumaha caafimaadka ee Marinka Qaza.

LEAVE A REPLY

Please enter your comment!
Please enter your name here