Waxaa isasoo taraya Jamaacaadka Jihaadiga ee hambalyeynaya guushii weyneyd ee ay gaareen Muslimiinta Qazza, kuwaasoo nafhur boqollaal maalin ah kadib ku qasbay Sahaayinada Yahuudda, in iyagoo hoog jiidaya saxiixaan heshiis dullinimo ku ahaa.
Mu’assasada warbaahineed ee Al-Andalus oo ku hadasha afka Mujaahidiinta Al-Qaacida ee Maghribul Islaami ayaa baahisay, bayaan kasoo baxay Mujaahidiinta, kaasoo loogu hambalyeeyey muslimiinta Qazza dhabar adeyga ay sameeyeen.
Bayaankan oo ciwaan looga dhigay “ Mu’miniintu way Farxayaan” ayaa lagu sheegay, in reer Qazza ay dhigeen wacdaro taariikhi ah, cadowga Yahuuddana kaga hortageen Iimaan raasikh ah.
“ Iyadoo heshiiska xabad joojinta uu dhaqangalay, kadib wacdaro taariikhi ah iyo sumuud adag oo ay sameeyeen reer Qazza, waxaa na farxad gelinaya inaan halkan hambalyo ku aadan guusha iyo fatxiga weyn, ugu dirno guud ahaan Muslimiinta caalamka, gaar ahaan reer Qazza iyo mujaahidiintooda” ayaa lagu yiri bayaanka kasoo baxay AlQaacidada Maghribul Islaam.
Isagoo sii socda waxaa bayaanka lagu yiri “ Sanadihii dambe waxaa dadka oo idil u cadaaday, in macrakada Islaamka ay mid keliya tahay, iyo in Xaqqa aan lagu soo ceshan karin waxaan Jihaad iyo dagaal ka ahayn, cadowga kibirka badan ee aan is heynana uusan fahmeynin waxaan ka ahayn luuqadda awoodda, dhagartiisana looga horatgi karin waxaan ka ahayn colkiisa oo la caabiyo iyo duufaan lamid ah tii Al-Aqsaa, Allaah wuxuu yiri:”.
“ Gebegebadii, waxaan markale cusbooneysiineynaa hambalyada iyo tahniyadda ku socota reer Filastiin gaar ahaan reer Qazza, waxaan ugu hambalyeyneynaa guusha ay gaareen iyo maxaabiista muslimiinta ee ay xabsiyada kasoo daayeen, iyo iney Qazza ka xoreeyeen Yahuudda, si khaas ah waxaan u xuseynaa hogaanka Mujaahidiinta ee nafta huray, kalimaadkoodana kaga dhabeeyay ficilka”. Ayaa lagu soo khatimay bayaanka hambalyada ah ee kasoo baxay mu’assasada warbaahineed ee An-Andalus oo ku hadasha afka Mujaahidiinta Al-Qaacida ee Maghribul Islaam.
Si lamid ah bayaankan, waxaa AlQaacidada Qaarad u ekaha Hindiya iyaguna soo saareen, bayaan hambalayo ah oo la xiriira guusha muslimiinta Qazza.
Bayaanka ayaa ciwaan looga dhigay Qazza way guuleysaty, dagaalkana wuu soconayaa, waxaana lagu tilmaamay in dhowr iyo toban bilood kadib ay muslimiinta Qazza ka guuleysteen cadowgii isbaheysiga ahaa ee soo duuley.
“ Shan iyo toban bilood ayay Sahaayinadu, gaar ahaan Natanyahu, Biden iyo Trump ugu goodinayeen mujaahidiinta Qazza gumaad iyo xasuuq, si lamid ah sidii uu horay Bush ugu hanjabay mujaahidiinta Afqaanistaan, laga soo billaabo Kaabul illaa Qazzana waa qisso ka tarjumeysa cadow Saliibi ah oo jabay, iyo guusha ahlu Iimaanka” ayaa lagu yiri bayaanka kasoo baxay AlQaacidada Qaarada u ekaha Hindiya.
“ Waxay heysteen rooti yar oo aan badneyn, kaasoo ay u hureen maxaabiistii ay gacanta ku hayeen, hubkoodana wuu yaraa, laakiin waxay ku hubeysnaayeen Iimaan iyo yaqiinta ballanka Allaah, ruuxda Jihaadka iyo jacaylka Istish-haadka, waxayna ka hortageen cadow ku hubeysan hub casri ah, laakiin aan geerida ogoleyn, Alle ayaana ku mahadsan oo adoomihiisa sugay, uguna gargaaray fatxi iyo guul” ayaa lasii raaciyay bayaanka hambalyada ah ee kaso baxay mujaahidiinta Al-Qaacida ee Qaarad u ekaha Hindiya.
“ Munaasbadan awgeed waxaan hambalyo iyo bogaadin u direynaa muslimiinta Qazza iyo mujaahidiinta, waxaana dadka xusuusineynaa in shaki la’aan ay Qazza guuleystay, laakiin dagaalku intaasi ku ekeyn, uuna sii soconayo in laga xoreynayo taako weliba oo kamid ah dhulalalka Islaamka ee ay gaaladu qabsadeen” ayaa lagu yiri bayaanka Mujaahidiinta AlQaacida ee Qaarad u ekaha Hindiya.
Horey waxaa guusha muslimiinta Qazza u bogaadiyay hogaanka sare ee Mujaahidiinta AlQaacida, kaasoo soo saaray bayaan hambalyo iyo dhiirogelin ah oo ku socda reer Qazza.
