Channel-ka 12-aad ee Yahuudda ayaa saaka oo Sabti ah sheegay, in tirada dadka dhaawaca ah ay gaartay 16 qof, kaddib markii gantaal laga soo tuuray Yemen uu ku dhacay bartamaha dhulka ay Yahuudda xoogga ku haysato ee Falastiin.
Gelinkii hore ee maanta oo Sabti ah, ciidanka Yahuudda ayaa ku dhawaaqay in gantaal laga soo tuuray Yemen uu ku dhacay magaalada Tel Aviv, kaddib markii ay ku fashilmeen inay ka hortagaan.
Goor sii hiraysay ayay ahayd, markii kooxa gurmadka deg-degga ah ee Sahaayinada ay sheegay in 14 qof ay soo gaareen dhaawacyo fudud. Halka Booliiskuna uu sheegay, in burbur uu soo gaaray tiro guryo ah.
Xuutiyiinta ayaa Khamiistii ku dhawaaqay mas’uuliyadda weerarro Labo gantaal oo ballistic ah oo ay ku qaadeen dhulka ay Yahuuddu gumaysato ee Falastiin, halka ay saakana dudeymo ka fuliyeen magaalada Tel viv.
