Ilo wareedyo La helayo ayaa Sheegaya in iska horimaad uu dhexmaray dagaalyahanada wax iska caabinta iyo ciidamada gumeysiga Yahuudda ee ku sugan xerada Nour Shamsi ee bariga Tulkarm ee daanta galbeed, halkaasi oo kooxaha wax iska caabinta ay shaaciyeen in ay ka qeyb qaateen howlgalo ka dhan ah ciidamada duulaanka kusoo qaaday deegaankaasi.
Guutada Tulkarm ee Kamida guutooyinka Qassam, ahna garabka milatari ee dhaqdhaqaaqa iska caabinta Islaamiga ah (Xamas), ayaa bayaan ay soo dhigeen Telegram ku sheegay habeenkii Isniinta in dagaalyahannada wax iska caabintu ay weerar gaadmo ah ku qaadeen askartii qabsatay deegaanka Al-Manshiya ee xerada Nuur Shamswi.
Waxay sharaxday “kadib markii aan xiriir la soo celinay mid ka mid ah dagaal yahanadeena saacadu markay ahayd 11:30, waxay noo xaqiijiyeen in iyaga oo ay wehliyaan guutooyinka Al-Qudus iyo dhalinyarada aargoosiga iyo xoreynta ay u suurtagashay in ay la beegsadaan ciidan lug ah oo ay weerar gaadmo ah ay soo diyaariyeen dagaalyahanadeenu, kadibna ciidanka gurmadku ay u gudbeen goobtii uu xasuuqu ka dhacay waanu dilnay oo dhaawacnay’’.
Dhanka kale, Guutada Tulkarm ee guutada Qassam ayaa sheegtay in dagaalyahanadooda oo ay wehlinayeen guutooyinka Al-Qudus iyo guutada Shuhadada Al-Aqsa ay u suurtagashay in ay beegsadaan ciidamo lug ah oo ku sugnaa gudaha guri ku yaalla agagaarka xerada Tulkarm iyaga oo rasaas aad u badan si toos ah ugu garaacayay.
Guutada Tulkarm ee guutooyinka Al-Qudus, garabka milateri ee Xarakada Jihaad Islaami, ayaa war ay ku baahiyeen Telegram ku shaaciyay galabnimadii Isniinta in dagaalyahannadooda ay sii wadaan “in ay ka hortagaan ciidamada duullaanka ah ee ku jira faasasyada dagaalka ee kala duwan ee xerada Nuur Shamsi.
waxayna ku qubeynayaan ciidamada lugta iyo fariisimaha toogashada ee dhidibka isku dhafka ah oo leh dhaawacyo toos ah. Kadib heshiiskii xabad joojinta ee Marinka Gaza oo dhaqan galay 19-kii Janaayo, ciidanka gumeysiga ayaa howlgalo militari oo ballaaran ka bilaabay waqooyiga Daanta Galbeed, taasoo keentay shuhadada iyo dhaawaca tobanaan Falastiiniyiin ah, barakaca kumanaan qoys, iyo burbur baahsan oo kaabayaasha dhaqaalaha ah.
Ciidamada gumeysiga ayaa howlgalkooda ka bilaabay xerada Jenin 21-kii Janaayo, ka dibna waxay isku ballaariyeen magaalada Tulkarm, magaalada Tammun, xerada Al-Fara ee gobolka Tubas, iyo xerada Nour Shamsi ee bariga Tulkarm.
