Mucaaradka hubeysan ee Suuriya ayaa ku dhawaaqay horraantii maanta oo Axad ah, in ciidamadoodu ay la wareegeen gacanta ku haynta magaalada istiraatiijiga ah ee Talracfat ee waqooyiga Xalab.
Magaalada Talracfat waxaa gacanta ku haayay maleeshiyaadka Kurdiyiinta ee la magac baxay ciidamada difaaca dadka Kurdiyiinta.
Kooxaha kacdoon wadayaasha ayaa sheegay in ay u soo bandhigeen cutubyo gacan saar la leh xoogaga Dimuqraadiga Suuriya ee ku sugan Xalab in ay hubkooda si nabad ah ugala baxaan magaalada.
Qabsashada magaalada Talracfat ayaa ka dhigan in kooxaha mucaaradka ah ay awood u leeyihiin qabsashada deegaano cusub oo istiraatiiji ah.
Dhanka kale, kooxaha kacdoon wadayaasha Suuriya ayaa sheegay in ay la wareegeen gacan ku haynta garoonka diyaaradaha ee Munij ee baadiyaha Xalab.
